تسأليني ليه احبك...

تسأليني ليه احبك...

تسأليني ليه احبك ..؟ واسالك نفس السؤال.... ليه احبك..؟ جاوبيني .. يمكن انتي تعرفين

ليه انا قلبي تعلـق فـيك ......يابنت الحــلال.. ..ليــه وش معنى عشقتك دون كل هالعالمين

هل لاني شفتك فيك الحسن كلــه والــدلال.... اولاني شفت فيـك الثقل والطبــع الــرزيــن

اولانــك في عيوني صرتي ايــه بالجمــال..... اولانك استطعتي.... للمشاعــــر تمــلكـيــن

او لان الحظ جــابك لي بعد ماقفى وحــال... ..او لان الله كــتـب لي اعشقك واحيا السنين

علميني ليه احبك..؟ ليه قلبي معك مال..؟ ... ليــه دمعاتي تنـاثر .... كل ماانتي تبــعدين

ليه دايم في خيالي صورتك في كل حــال... في فرحه والا بتعاسه.. في شقى والا بحنين

ليه طيفك في عيوني مايـبارح هالمجال..... شاغلة فكري وبالي ....كل لحظه وكل حــين

ليه كل ماقلت ابنسى صاحت جروحي محال.... .كيف تنسى طب جرحك .. كيف ايامك تزين

آآآآآه .. ياكم سؤال حـــاير وسط الخيال .... وآآآآه .. ياوين الجواب اللي يريحني سنين

اسأل اسوار المدينه عنك وانقاض الجبال..... اسأل رمــال الصحاري واسأل الليل الحزين

واسأل دموعي الغريقه ليه دمعي منك سال ..... ليه قلبي فيك هايم .. وش هو السر الثمين

ليه .مادري ..بس عشقتك .. عشق لحد الهبال. ... وصرت ماشوف بعيوني غير زينك اي زين

و تساليني ليه احبك وليه ميت على الوصال.. .. ليه مدري صدقيني نفسي ماعندي يقين

ودي اعرف ياعيوني وش اجابة هالسوال.. .. ليه احبـك...؟ جاوبيني يمـــكن انتي تعرفين